Benten kalian daerah sanes, regi ayam potong ing sakathahing peken tradisional ing Pati malah sampun wiwit mandhap. Regi ayam mandhap, amargi sudanipun warga ingkang tumbas, menawi katandhingaken kalian ndungkap wulan ramadhan.
Menawi ing daerah sanes regi daging ayam potong tansah mindhak, malah ngantos wonten ingkang nggayuh Rp. 40.000 saben kilo, regi daging ayam potong ing sakathahing peken tradisional ing Pati, malah mandhap. Kados ing peken tradisonal Puri, regi ayam potong samangke watawis Rp. 30.000 saben kilo. Mandhap Rp. 3.000, menawi katandhingaken kalian ndungkap wulan siyam kepengker. Sinaosa sampun mandhap, regi kasebat taksih tebih saking angka normal, inggih menika watawis Rp. 20.000 ngantos Rp. 25.000 . Mbok menawi, reginipun taksih saged mandhap ngantos satengahing wulan ramadhan.
sumber: manteb
