Bathik pancen dipun akeni sacara resmi dening UNESCO, minangka warisan budaya, ing tahun 2009 kepengker. Nanging, bab menika boten anjalari perajin bathik sangsaya mulya. Menawi ing sakathahing dhaerah trend bathik sangsaya mratah ing masyarakat, boten mekaten ing sentra bathik Desa Bakaran Wetan. Juwana, Pati. Ing panggenan menika, usaha bathik ingkang sampun kawiwitan dasan taun kepengker. samangke nemahi sakathahing perkawis.
Sinaosa kirang kawentar kanthi produk bathikipun, Kabupaten Pati, ugi gadhah sentra kerajinan bathik, inggih menika ing Desa Bakaran Wetan, Juwana. Kados dene daerah sanes, bathik Pati nggadhahi cakrik saha gagrag ingkang khas, makili kultur saha karakter budayanipun warga. Nanging, boten kados ing daerah sanes ingkang sampun ngrembaka dados industri ageng, usaha bathik ing Desa Bakaran Wetan, saperangan ageng taksih tataran rumah tangga. Angelipun masaraken, bahan baku ingkang awis, saha kirangipun panyengkuyung saking pamarintah, anjalari sentra kerajinan bathik ing Pati, mliginipun ing desa bakaran wetan, kirang ngrembaka.
sumber: manteb
